news.mn politics.news.mn google.mn
Үнэлэх:
Одоогийн үнэлгээ:

Монгол, Оросын цэргийн сургалт үргэлжилнэ

2010 оны 12 сарын 16

Монгол Улсын Ерөнхий сайд С.Батболдын ОХУ-д хийж буй албан ёсны айлчлалын хүрээнд 2010 оны 12 дугаар сарын 15-ны өдөр Монгол Улсын Батлан хамгаалахын сайд Л.Болд ОХУ-ын Батлан хамгаалахын сайд А.Э.Сердюковтой ажлын уулзалт хийлээ. Уулзалтад ОХУ-ын Батлан хамгаалахын нэгдүгээр орлогч сайд, Зэвсэгт хүчний Жанжин штабын дарга армийн генерал Н.Е.Макаров болон албаны бусад хүмүүс байлцжээ.

Уулзалтын үед сайд нар хоёр улсын цэрэг, цэрэг-техникийн харилцаа, хамтын ажиллагаа сүүлийн жилүүдэд бүх талаар  эрчимтэй, үр өгөөжтэй  хөгжиж байгааг санал нэгтэй тэмдэглээд төрөл бүрийн түвшинд харилцан айлчлал хийх, туршлага солилцох,  түүний дотор хоёр талын хамтарсан сургалт дадлагын агуулга, хэлбэр, хамрах хүрээг өргөжүүлэх зэргээр Батлан хамгаалах салбарын хамтын ажиллагааг хөгжүүлэхэд анхаарч ажиллахаар тохиролцжээ. Энэ үеэр сайд Л.Болд ОХУ-ын Батлан хамгаалахын сайдыг Монгол Улсад айлчлахыг урьсан байна. Мөн Монгол Улсын Ерөнхий сайд С.Батболдын ОХУ-д хийж буй албан ёсны айлчлалаар Монгол Улсын Батлан хамгаалахын сайд Л.Болд, ОХУ-ын Батлан хамгаалахын сайд А.Э.Сердюков нар  Кадетын сургуульд Монгол Улсын насанд хүрээгүй иргэдээс сургах тухай Засгийн газар хоорондын Хэлэлцээрт гарын үсэг зурсан нь цаашид монгол хүүхдүүдийг зөвхөн Омскийн кадетын сургууль төдийгүй ОХУ-ын бусад хотуудын ижил төрлийн сургуулиудад сургах боломж бүрдэж байна.

Д.Долгор
Энэ мэдээ танд таалагдаж байвал LIKE хийгээрэй. Танд баярлалаа.
Манай сайт танд таалагдаж байвал LIKE хийгээрэй. Танд баярлалаа.
Энэ сэдвээр: Ерөнхий сайд ОХУ-д
Үнэлэх:
Одоогийн үнэлгээ:
Сэтгэгдэлийг ачаалж байна...
Санал асуулга
Зохиогчийн эрх хуулиар хамгаалагдсан. Мэдээлэл хуулбарлах хориотой